Jaokobus de Meerdere, ein van de twellef apostele, waerd zo geneump om hem te ongersjeije van ziene naamgenoot Jaokobus de Mindere, de broor van Kristes. In ’t Sjpaans is ziene naam Santo Iago of San Yago, kort gezach Santiago.
Vandao de naam Santiago de Compostella, wo volgens de legende zien graaf lik.
Naodet hem in Judea de kop waar aafgehouwd waerde zien lief in eine sjteine boot gelag. Twee van zien leerlinge ginge mit, de boot voor van allein nao Gallisie en dao waerde hae begrave in de berg Libredón. Hae is de petroonheilige van Sjpaanje, wo ’t vandaag in deile van ’t landj groot fees is.
In Remunj waerd al in 1357 gekald euver ein Broedersjap van Sint Jaokob.
Dees broedersjap verzörgde ’t altaar van Sint Jaokob in de Heilige Geiskirk.
Det altaar ging in 1661 mit nao de Krissjtoffelkirk die toen Kattedraal waerde. In 1786 waerde de Broedersjap opgeheve door Keizer Frans Josef II van Oosteriek dae toen in Remunj de baas waar.
Van dees Broedersjap zeen d ´r nog arsjiefsjòkker en ein kies, mit de kinmerkende sjelp, oet 1752.
In 2000 is de broedersjap her/opgerich en haet zich onger angere bezig gehaje mit´t verzamele van sjtkker euver Sint Jaokob.
De Kattedraal kint ein Sint Jaokobskepel mit de grootste reliek van Sint Jaokob boete Santiago de Compostella. In de kattekombe van de Kattedraal is eine refugio ingerich veur pelgrims om te euvernachte.
In de Foubourg Saint Jaques waar ’t Witte Kirkske gewied aan Sint Jaocob. In 2013 is d ‘r in die Veursjtad ein veldjkepel geboewd, ongeveer op de plaats wo al in de viefteende eeuw ein Jaokobskepel sjtong.
Foto’s: Arend Masius.
Teks: Guus Rüsing.
