Zaoterdig 29 augustus waerd ’t gedich van Brohlin Coumans feestelik onthuld. Dit gedich sjteit oppe trap van Bibliotheek Bibliorura.
Bibliotheek Bibliorura haet de jonge Remunjse dichter en rapper gevraog om ’n gedich te sjrieve veur oppe trap veur de bieb, om de aandach van veurbiegengers te trekke, en daomit te zorge veur meer zichbaarheid van ’t geboew. ’t Gedich maak dudelik det de bieb laeze en literatuur belangriek vindj. Dit is ’t eerste sjtraotgedich in Limburg, det gesjreve is veur ’n specifieke lokasie.
Brohlin haet mit ongersjteuning van ’t Huis van de Kunsten Limburg ‘ne workshop gevolg bie Kila van der Starren, sjpesjalis in sjtraotpoëzie. Dao-oet is ’t gedich ontsjtange mit de titel “mijn allerliefste oma leerde me lezen”. Det dit gedich vasgelag is oppe trap vanne bieb, is veur Brohlin erg biezonjer, want nog gein 40 maeter wiejer sjteit ’n kunswerk van die allerleefste oma Truus Coumans, namelik ’t beeld van de heks Hyacinte.
De feestelikke onthulling van ’t gedich vindj plaats op zaoterdig 29 augustus vanaaf 17 oer, boete oppe trap veur de bieb. ’t Gedich zal waere onthuld door Brohlin Coumans zelf, wethajer Ferdinand Pleyte en directeur-besjtuurder Jeanine Deckers. Nao ’t offisjele gebeure kinne bezeukers deilnumme aan ‘ne poëzie-workshop door Brohlin Coumans, of loestere nao ’n laezing van Kila van der Starre, sjpesjalis in sjtraotpoëzie. De aovend waerd aafgesjlaote mit ’n hepke en ’n drenkske.
Wo: Bibliotheek Bibliorura, Neersjtraot 11-13
Wanneer: zaoterdig 29 augustus van 17 toet 20 oer.
Aanmelje is neet neudig.
