Joseph Alphons Maria (Joep) Thissen (Remunj 1919 – 2010) maakde in 1951 ’t beeld veur de Franciscuspöt aan de Voogdiesjtraot. Ziene opa waas de beeldhajer Joseph Thissen, dae waas “professor” aan de Teikensjool en de oprichter van ein “Ateljee veur kirkelikke kuns” aan de Neersjtrasot. In 1895 maakde hae ’t Krissjtoffelbeeld waat door eine enorme sjtorm in 1921 omleeg donderde. Wie Joseph in 1920 sjtorf waerde ’t ateljee verder geveurd door zien zeuns Sjef (+ 1934) en Christof (+ 1956).
Oze Joep waas eine zoon van Sjef. Hae sjudeerde in Den Haag en haolde in 1938 de LO-akte handjteikene. Hae wirkde es ontwerper bie St. Joris in Bezel en de firma Loré. Nao de Tweede Waereldoorlog ontwirp arsjetek Frits Peutz eine nuje sjpits veur de kattedraal. Joep maakde, pront wie ziene opa, eine nuje Krisstoffel veur op de tore. Dae waerde in 1957 ingezaegend door Mgr. Lemmens, biesjop van Remunj. De beelde van de Sjtasietunnel zeen ouch van zien handj.
’t Pötbeeld sjteit onger beheer van de Sjtichting Rura.
Foto en teks: Guus Rüsing.
