Wilhelmus Hendricus Josephus Corsten waerde op 8 junie 1827 es zoon van Leonardus Corsten en Anna Gertrudis van Kempen gebaore. Hae waerd verder Joseph geneump. Zien vader verdeent de kos es sjrienewirker / aannaemer. ’t Gezin besjteit oet 9 kienjer en woonde op de Sjteinwaeg. Dao hadde ze eine houthanjel en ein zaak in manefakture. Mit 23 jaor geit Wullen sjtudere in Luuk. Es hae teruukkump neump hae zich boemeister-aannaemer en houtkoupman.
Hae sjpeelt ouch ein rol es takseteur en krieg van de Gemeinte dökker opdrachte om hoezer te taksere. Op 26 mei 1868 troewt hae mit ’t Remunjse maedje Hubertina Gertrudis Lockum. Ze gaon wone in ein nuuj, door hem zellef ontworpe groot hoes aan ’t Sjtasieplein. Van 1879 toet 1891 is hae ouch lid van de Gemeinteraod. Tösse 1880 en 1890 woont hae op de Aje Boelvaar. In 1892 begint hae te sukkele mit zien gezondjheid en waerd in het Calvarieberg krankehoes in Mesjtreech opgenaome. Dao sjturf hae op 1 fibberwarie 1893.
. De sjtiel is nogal tradiesjoneel mit sjtuukomliestinge van de vinsters en deure. Tösse de drie boelaoge zeen veer waterlieste en onger ein breij gepleisterde plint.
De drie hoezer vorme same ein sjoon geheel. ’t Is doodzunj det de eigenare besjloate höbbe eder zien eige kleursjtelling veur de omliestinge en plinte aan te haje. ’t Waas sjoner gewaes es die besjildering ’t zelfde waas. Me kint dan baeter zeen det ’t ein kompleks is van dezelfde arsjetek.
Teks en foto: Guus Rüsing.
