Franciscus Hubertus Slenders (1892 – 1972), de grootvader van Frank Slenders. “veur alles waat sjrief” leet dit hoes op de hook Krankewal 7 / Peregrinus Vogelsjtraot boewe en begos dao ein kefee-biljaar. De arsjetek waas ziene baas, Pierre Cuypers, dao wirkde hae es goldjborduurder. Laes mien sjtökske van 23 junie.
Merkwaardig is det de vergunningsaanvraog bie de gemeinte van 1909 is en in de toepgevel dudelik 1908 sjteit.Euver daezelfde toepgevel höb ich twee vraoge aan uch es laezer:
De eerste vraog: In ’t neet ech heraldies “waopesjild” sjteit linksbaove ein zon, ’t jaortal 1908, mer waat sjteit rechsonger?
De tweede vraog: Baovenop sjteit ein aope sjelp. Zo get deej Cuypers waal dökker. Op de angere hook van de Perigrinus Vogelsjtraot / Zjwartbrooksjtraot (de vreugere Dreugisterie Crombach) sjteit eine Uul. Laes mien sjtökske van 22 junie. Haet die sjelp hie ein biezunjer beteikenis?
Netuurlik höb ich kontak gehad mit vrundj Frank Slenders. Dae wit de antjwaorde ouch neet. Hae kint ouch in de femielie gein relasie likke tösse de sjelp en Santiago de Compostella, de Camino of Sint Jacobus.Waem kint helpe?
Foto’s: Arend Masius.
Tekst: Guus Rüsing.
