Zaoterdig 11 julie 2020. Sjtadhoes (1).

Foto: Guus Rüsing
Al in ’t jaor 1399 is d’r sjpraok van ein “raithuys” aan de Mert. Netuurlik mot d ‘r al eerder zoget gewaes zeen wie ein besjtuurssentrum. De kelders onger ’t sjtadhoes zeen ouch väöl ajer. Op 16 julie 1554 kinde Remunj de eerste grote sjtadsbrandj en dao mit ging ouch ’t sjtadhoes in vlamme op. In de jaore dao nao waerde ’t herboewd. Binne is nog good te zeen det ’t in feite drie herehoezer naeve ein zeen. 
In ’t jaor 1700 (kiek ’t jaortal op de veurdeur) waerde ’t gans verboewd mit eine grote nuje veurgevel. Ouch de Sjtaote van ’t Euverketeer van Gelre vergaderde hie. Det is noe de trouwzaal. In 1695 waerde d’r ein Ridderkamer biegeboewd, det is noe de B & W kamer.
In 1876 waerde de ganse veurgevel in de sement gezat volgens ein plan van arsjetek Ch.Weber. Det is wie veer ’t noe nog zeen.
In 1905 waas d’r ein grote resterasie en waerde de huidige raodzaal geboewd.
Ouch in de jaore vieftig van de veurige eeuw waerde duchtig gerestereerd.
Foto’s en teks: Guus Rüsing.
Aanmelden nieuwsbrief
Cookieinstellingen