Op oetneudiging van de ECI moch de Philhermenie van Neel dao ein konzaer gaeve mit de Vlaamse zangeres Micheline van Hautem en bastrombonis Jos Jansen. Op zonjig 27 oktober waas ’t zo wied, en waas de theaterzaal bekans te klein veur ’t pebliek det in grote getale kwaam toegesjtruimp veur ’t konzaer ‘Brel en Brass’.
De Fiel oet Neel haaj de aafgeloupe maondje tiedes de rippetisies häör tenj gezat in ‘ne houp zeer oetdagende arranzjemente. Ze lete zich tiedes ’t konzaer dan ouch neet kinne: ’t pebliek sjtong haos op de banke. “Fabuleus, een fijne blend”, leet Micheline van Hautem zich ontvalle. Of wie Jos Jansen zag: “Dit was er één in de categorie ‘heel erg leuk’. In dit orkest zit echt wel pit.”
Dit konzaer pasde gans in ’t veurnumme van de hermenie veur de kommende jaore: ze wille zowaal muzikante es pebliek hoondervel bezorge. En esse kieks nao alle reaksies, dan is häör det noe ongetwiefeld gelök!
Veur ein foto-impressie kint geer klikke op:
Veur de clip ‘Au Suivant’ kint geer klikke op: https://youtu.be/PX50wHDtJdw
