De drökbezochte Lights On Parade op vriedig 8 november waas ’n veurpreufke van waat d’r kommende wintjer in Remunj allemaol te belaeve is. Noe de sfeerverleechting offisjeel ontsjtaoke is, begint ‘ne tied van grote en klein evenemente, en veural väöl gezelligheid onger de liefsjpreuk “Roermondvol Licht”.
Leechfigure op sjtelte, Percussieband Samba Douro, twee dansgroepe van The Movement, sirkesékt Circo di Strada, de prinsekepel van D’n Uul, vv de Hopsjlokkers en ‘ne groep kinjer verkledj es ingelkes trokke mit in ‘ne optoch van leech, van ’t Sjtasieplein nao ’t Outlet Center. Deze optoch waas ’n groot succes mit ruum 80 deilnummers en doezjende bezeukers. Bie ’t Outlet Center waas ein sjpektakelaire leechshow en vuurwerk, wonao de kinjer veur nieks in ’t reuzeraad mochte.
De Lights On Parade waas eers ’t begin
Komp deze wintjer nao Remunj veur Sinterklaos- of Kersinkoupe en laot uch gaon in de gezelligheid: rie mit in de Happy Train, ontvang Sinterklaos oppe Roerkade, dans mit de dansPiete, kiek nao de ganze die waggele op ’t ritme van de trommel, aet mit 749 anger luuj in ’n pop-up restaurant op ’n unieke lokasie, ren es Kersman veur ’t goje doel, belaef ’t Kersverhaol bie de laevende Kerssjtal, maak gratis ’n kerssjtökske, gank oppe foto mit ein van de maetershoge leechobjekte, of loester nao sjpannende verhaole of anekdotes van de verhaoleverteller. Deze wintjer is Remunj dé besjtumming veur ein compleet ‘Dagje uit’!
Wintjerkampanje “Roermondvol Licht”
De sfeerverleechting, de maetershoog leechobjekte wie de hamster mit skies, en de (mezikale) animasie in de binnesjtad zorge veur extra wermte en sfeer tiedes de donker daag. “Roermondvol Licht” sjteit veur ’n sjitterend verleechte sjtad, en is ’n compleet wintjerprogramma mit grote en klein evenemente. Mit de mediakampanje “Roermondvol Licht” waerd Remunj neergezat es aantrekkelikke en briesjende winkelsjtad veur groot en klein. ’t Is ’n inisjatief van BIZ Binnesjtad Ongernummers, Gemeinte Remunj, Designer Outlet Remunj en Citymanagement Remunj.
Meer weite? Wilt geer meer weite euver alles waat d’r deze wintjer in Remunj te doon en te belaeve is? Kiek dan op WeAreRoermond.com of volg os op Facebook of Instagram.
