Waat ein waek höb ich achter de rök. Ich begin mit de prettige mededeilinge. Gelökkig veuroetzichte veur ut alleinsjtaond vruiwke mit ut gehandicap kiendje. De aafdeiling van de gemeinte diej dao veur veranjwaord is haet waord gehaaie. Sjoone äöpening van de vastelaovend gehad. Mit dank aan D’n Uul.In amper eine daag alle kaertjes van de gebreurs Peters verkóch veur de oetveuringe die volgend jaor november zulle plaatsvinje, biej de Remunjse DNA aovend ouch ut geluid van de geweune man kinne laote heure, de werksjuur van sjpeeltuin Kitskesberg moge äöpene. Noew de minder gooi zake. Nog sjteeds gein oplossing veur De Tigers, greuiend aantal ongelökke op Remunjse waeg, definitief aafsjied mótte naeme van gooi bekinde, nog sjteeds gein inzage in ut Remunjse heisessiedossier, onbegriepelikke besjlissinge van ós kabinet. Det létse is veur mich neet te vatte. In Nederland maximaal 100km op sjnelwaeg. In Duitsland gein maximum. In Nederland van ut gaas aaf en in Duitsland subsidie as ze gaas geis gebroeke. In Nederland natuurgebiede opheffe en in Duitsland planne om ze oet te breije. Sjnap de waereld neet meer. Heurt ut sjtiksjtof prebleem biej de grens op? Wieso ein Europa? Det luuj ut gehad höbbe mit de politiek moge sjteeds meer duudelik zeen. As der noew gét waas woh ze Europees euver mós sjpraeke is ut toch dit.
Ich haai mich vas aan de sjoon dinger in ut laeve en det is mien gezin, mien clubs, mien sjtad dene en jao veural mien gezóndjheid. Veer vaege ós eine waeg door de transparante en geheime sjtökke en vorme ós ein oordeil. Det van mich hoof neet det van uch te zeen.
Toet vaegs,
Sjtraotvaeger Dré.
