Op zaoterdig 23 november vindj ’t ‘DNA van Remunj’ Verhaolekefee plaats. Dit gebeurt in de ECI Cultuurfebriek, tösse 13.30 en 15.30 oer.
Höb geer ’n biezonjer verhaol euver Remunj det g’r gaer wilt deile? Dan kint g’r same mit verhaolevertelster Meta van Appeven en kunsteneer/sjtadsgids Frans Jansen aansjuve aan de sjtamtaofel van ‘DNA van Remunj’.
Höb g’r toes nog ’n echte ‘Remunjse sjat’ ligke waat al generasies lank in eur femilie is? Of höb geer ’n veurwerp mit ’n sjoon verhaol, ’n sjilderie, ’n beeldj, ’n juweelke of mesjien get gans angers det aevezeer belangriek veur uch is? Of höb g’r mesjien get wovan geer neet weit waat ’t is of woveur ’t deent? Ouch dan is ’t de meute waerd om aan te sjuve. Tiedes ’t Verhaolekefee gaon veer same mit antiekekspaer Jan Wolter van den Berg op zeuk nao de verhaole achter dees Remunjse sjatte.
Höb g’r toes zo’n veurwerp of kint geer ’n sjoon verhaol, dan mot g’r zeker aansjuve in os Verhaolekefee, det onger leijing sjteit van ‘DNA van Remunj’-ambassadeur Petra Stienen.
Idderein is welkom!
’t Verhaolekefee waerd georganizeerd in ’t kader van de tentoonsjtelling ‘DNA van Limburg – edisie Remunj’, die nog te bekieke is toet 24 november in de ECI Cultuurfebriek.
’t Verhaolekefee waerd georganizeerd in ’t kader van de tentoonsjtelling ‘DNA van Limburg – edisie Remunj’, die nog te bekieke is toet 24 november in de ECI Cultuurfebriek.
Wilt geer bie ’t Verhaolekefee aanwezig zeen?
Mitdoon kos nieks, mer melj uch dan waal efkes aan via ’n berichske aan [email protected]
Wanneer: zaoterdig 23 november
Wie laat: 13.30 toet 15.30 oer
Wo: ECI Cultuurfebriek
Wie laat: 13.30 toet 15.30 oer
Wo: ECI Cultuurfebriek
