Waat ein waek hadde veer dees waek. Ut winselieske van väöl luuj veur Sinterklaos zou zo maar ein politieke lading kinne höbbe.
Omdet ze ut leefste höbbe det de betrokkene geweun aeve oet beeld zeen.
De grootste Klaos is waal Klaas Dijkhoff dae zich de tésse had gevuld mit geldj van regelinge die det toelaote. Die ut dichtes biej ut vuur zitte wérme zich ut bés. Dan Menno Snel dae in ut toesjlagedebat neet good kós omgaon mit de enorme kritiek van de zjwaor gedupeerde die jankend en totaal euver de rooie aanwezig ware in Den Haag. Waat te dinke van Ankie Broekers-Knol (Asiel en Migratie, die veur de tweede keer de kóffers kós oetpakke omdet Marokko häör neet wohl ontvange.
Lokaal waerde ouch gét onwinselikke zake gepresenteerd. Ein veiligheidsplan van de börgemeister det de eindstreep neet geit haole op dees meneer. Ein neet begroot bedraag van bienao veer ton det de gemeinte wilt oetgaeve veur gét det neet direct op häör bórdje ligk en dan eine breef aan alle luuj diej ein tegemoetkoming kriege en dao in de toekóms nao kinne fluite (lekkere boodsjap zo net veur de feesdaag).
‘In ut landj der blinde is eenoog koning’. Dao mit wil ich zégke det de kwaliteit van de besjtuurders zeenderouge achteroet geit.
Mit ut oug op de aangekondigde actie’s van ós boere is ut missjien versjténjig óm gét veurraod in te sjlaon veur de feesdaag.
Toet vaegs,
Dré.
