Sjtraotvaeger 2020/4: GEMISTE KANS!

Foto: Arek Socha via Pixabay

Sjtraotvaeger Dré – ‘Dae vreug waert euvergesjlage’ is ein gezegde det vreuger waerde gebroek as ze väöl vroogs. Maar in de politiek is ut wettelik geregeld det ze alles moogs en kins vraoge. Ut Remunjse college haet ut neet zo mit diej wettelikke regeling en waere dao in gesjteund door de coalisiej. Ónger ut mom, ut móndjdood make van de oppositie. Tal van vraoge waere neet of te laat beanjwaord. De verhoeskóste van de börgemeister zeen dao ein veurbeeld van. Jaorelank bleve de anjwaorde oet. De börgemeister haet de anjwaorde pas recent priesgegaeve. Ze haet ze nao jaore nog ins laote toetse door een integriteitscommissie. Diej höbbe geconcludeerd det der gein gékke dinger zeen gebeurd en de 37.000 euro verhoeskóste zeen biej wet geregeld. De vraog blief biej de raod en deskundige, wohróm det beanjwaorde jaore haet geduurd. De börgemeister had toch de plich om op alle vraoge zónger pardon anjwaord te gaeve. Ouch de heisessie waas ein heikel punt. Veur de burgemeister zeen de suggesties det de LVR al veur de verkeezinge waerde oetgesjakeld ‘KWATSCH’ . Maar de sjien blief hange. Wohróm moeilik doon mit die notisie (die 28.000 euro aan gemeinsjapsgeldj haet gekós)? Weer waerde alles weggelachen en ‘de sjien taege’ is door dit gedrag allein maar toegenaome.

De jaoknikkers van de coalisie zoge dao gein prebleem in en de gebreurs Grimm (laes Wim Maassen en Marc Breugelmans) haaie dit sjléch sjprookje mit häör wegkieke euvereind. Noew mótte der weer teambuildingdagen kómme.

Geer sjnap ut al neet mit mich. Ich zit in de raod as vertegenwoordiger van ut volk en neet óm de aardige jong oet te hange biej miense diej angere oetsjloete.

As de börgemeister noew ins in navolging van professor Elzinga en diverse anger hoogleraars had toegegaeve det ze wettelijk väöl te laat waas mit de anjwaorde te gaeve dan hads ze eine sjtap in de gooi richting gedaon. Maar ondanks alle wetgaeving blief ze poginge doon om de sjöld biej angere te ligke.

Jammer Rianne maar mit de ekstra vergadering die ze zelf höbs belag is de ‘sjien van’ neet weggenaome.

Ein gemiste kans, en in plaats van sjtappe veur oet, zeen ut weer sjtappe achteroet.

 

Toet vaegs,

Uche Sjtraotvaeger Dré.

Aanmelden nieuwsbrief
Cookieinstellingen