Maondig 3 augustus 2020. Kepel in’t Zandj (3). Kluzenaers.

Foto: Stoffel.M

Aan ’t inj van de zeventeende eeuw waerde de zörg veur de Kepel in ’t Zandj opgedrage aan eine of meer kluzenaers. Veer wiete det op 26 junie 1696 eine Peter Spooren van biesjop Cools de permissie kreeg als kluzenaer aan de Kepel te gaon wone. Inkele jaore later, in 1702, komme veer eine tweede naam taege: Broeder Houb. Op 28 september 1708 kump zellefs eine derde: Petrus Pesch. De kloes loog op de plaats wo later het “hoes mit de sjteine trappe” waerde geboewd., noe Herkenbosserwaeg.
Anger, os bekinde, name van kloezenaers zeen: Wilhelmus van Hingen, Matthias Claessens en Wilhelmus Pasman. Wanneer doe gesjtorve zeen weite veer neet mer waal det de kloes toet 1739 door kluzenaers is bewoond.

Daonao trok de rektor hie in. Toet det mpment had dae, es keplaon van de Grote kirk, in de sjtad gewoond. In 1744 kinne veer eine rektor Henricus Simons en in 1747 eine Leonardus Crebber.
’t “Hoes mit de sjteine trappe” wie veer det noe kinne is ein gemeintelik monement en sjtamt zo oet 1906.

Foto’s: Stoffel.M
Teks: Guus Rüsing.

Aanmelden nieuwsbrief
Cookieinstellingen