Maondig 19 oktober 2020. Hubertus Smeets (1861 – 1940) (2). Herkebosserwaeg 54 / Sjeijingswaeg 73.

Foto: Arend Masius
 Hubertus Wilhelmus Smeets waerde op 3 desember 1861 geboare in Melick en sjtörf op 7 junie 1940 in Remunj. Op 9 mei 1884 trouwt hae in Neel mit Cornelia Verhaegh (1856 – 1921).
Ze gaon wone aan de Kepel en kriege 14 kienjer wovan ein aantal vreug sjtörf. Aanvankelik is hae van professie rajemaeker. Tösse 1860 en 1890 is hae sjrienewerker en aannaemer. Hae haet väöl hoezer geboewd aan de Kepel. Hae werkde onger de firmanaam Smeets-Verhaegh. ’t Echpaar lik begrave op D’n Aje Kirkhaof, Vak 6, nommers 132-133).
De oorsjpronkelikke aanvraog oet 1908 geit euver ’t boewe van twee woonhoezer. Later is dao ein winkelpandj van gemaak. In de loup van de jaore is väöl aan diees panjer gesjoesterd. Me kint de handj van Smeets amper nog terök. Hoogoet nog in de vinsters van de tweede boelaog en de aafgesjuunde hook op de dreij. Jaomer!
Teks: Guus Rüsing.
Foto’s: Arend Masius.