Maondig 2 november 2020. Allerziele.

Foto: Guus Rüsing

Sinds dit waekinj zeen veer ze weer sjtaon: witte, gaele, paarse, roje en zelfs rose krisante. Vandaag, Allerziele, de daag nao Allerheilige, gedinke veer os gesjtorve femilieleje.
Kisante ware oorsjpronkelik goldjgael. Dao danke ze ouch häöre naam aan. In ’t Grieks beteikent “chryso” goldj en “anthemom” is bloom. In ’t begin van os jaortelling waerde in Sjina al krisante gekweek. Dao ware ’t heilige blome. Vanaaf de achteende eeuw zeen veer ze ouch in Europa versjiene. Hiej is ’t ein tiepise naojaorsbloom, die zich lang good hilt. Allein mot geine nachvors komme.
Krisante zeen in Azië, en veural in Japan en Sjina, ’t simbool veur gelök, ein lank laeve en gezondjheid. Mit krisante winse veur os leef gesjtorvene dus eigelik ’t eeuwige laeve toe.
Ouch bi de gravervan de bisjoppe onger de kepel op D’n Aje Kirkhaof zeen krisante aangebrach. Baove dees kepel sjteit: “BEATI MORTUI, QUI IN DOMINO MORIUNTUR” det kump oet de Openbaring van Joannes en beteikent: Zalig de doje die in de Heer sjterve.

Teks en foto’s: Guus Rüsing.