Sander Linssen, 42 jaor, is de nuje veurganger van vv de Tuinhagedisse oet Leeve. Hae is partner van Maike, en pap van Stan, Annabel en Niene. Hae wirk es kwaliteits- en beleidsmitwirker bie de sosjale deens van de gemeinte Weert. In ziene vrieje tied is d’r aktief bie de jeug van vv de Tuinhagedisse es sikkertaris en besjtuurslid van dees vastelaovesvereniging. Daonaeve duit d’r ’n paar keer inne waek aan fitness.
Sander I waert biegesjtange door zien adjudante Audrie Wolters, Leon van Soest en Tjitte Pander. Es ’t neudig is kint d’r ouch trökvalle op ziene zoon Stan es (inval)adjudant.
Sander I regeert onger ziene liefsjpreuk “Deze vastelaovend sjuume veer gans Remunj aaf”.
Benthe de Eerste
Benthe Romeijn, 12 jaor, zal dit vastelaovessezoen 2020 veurgaon es tweede jeugprinses van vv de Tuinhagedisse oet Leeve. Het is gebaore in Remunj, dochter van Jeroen en Janneke Romeijn en zöster van Puck. Benthe zit in groep 8 van basissjool Leeve. In ziene vrieje tied voetbalt ’t bie SC Leeve in de JO 13-2, zit ’t bie Scouting St. Joris en is ’t dansmarieke bie de garde. Benthe dans dit sezoen geweun mit!
Benthe I waert biegesjtange door zien adjudantes Sidney Walenbergh, Shelly Fermont en Nikki Golsteijn, en zal regere onger ziene liefsjpreuk “Sjpraeke is zilver, vastelaovend is goud”.
—–
