Daphne van der Zwan is zaoterdaag 1 oktober oetgerope as 38ste Wienkeuningin van de Veldjmuus. De 21 lentes jonge Daphne is in ut dageliks laeve directie assistente biej Van der Zwan Vistotaal. Daphne is de dochter van Marie-José en Danny van der Zwan. De Wienkeuningin Daphne is mit de vastelaovespaplaepel opgegreuid.
De Wienkeuningin waert gesecondeerd door Bianca Keuren (25) en Melanie Hirsch (22) Daonaeve zorg ein trio sjouffeurs veur ein veilig thoeskómme. De BOB’s zeen, Jeffrey Gitmans, Luc van der Vorst, Roy Fermont en Rob Wouters.
Wienkeuningin Daphne waerde op ein ludieke wieze oet eine lang sjlaop gehaold. Eine sjprookjesprins kösde häör wakker. Haopelik gooit eine pandemie of angere waerelse gebeurtenis neet weer roet in ut aete.
Good Old Jos van Rey waas auch dit jaor aanwezig om de Wienkeuningin 2022 te insjtallere en grootvors Dré Peters reep zien 38ste Wienkeuningin oet. Tal van aad-wienkeuninginne loesterde de aovend op. De Velderie waas weer geäöpend veur ut oetgaonspebliek. Sonny, Chenise, Eef, Joke en het euverig personeel zulle zorge det de Velderie weer zo noew en dan veur evenemente geäöpend is.
