Op 4 oktober is ’t waereldbeestedaag, op deze daag waerd sjtilgesjtange bie de rechte van de beester in os samelaeving. In 19239 vonj ein aantal besjermers van beester, in Oosteriek bie-ein, det veer moste sjtil sjtaon bie ’t waalzeen van beester. Eine daag om (hoes-)beester ins ekstra te verwinne.
Woorom op 4 oktober? Det is de naamsdaag van Sint Franciscus van Asisi. Dae waerde gebaore in 1181 of 1882 in ’t Italiaanse Assisi es Giovanni di Pietro Barnardone. Hae laefde als religieus en sjtichde de kloosterorde van de Franciscanen oftewaal de Minderbroeders. Dao höbbe veer in Remunj nog de Minderbroederskirk aan euvergehaje. In 1224 zol hae de stimata, de vief blojende wunj van Christus, höbbe gekrege, Hae sjtorf op 3 oktober 1226 in Portiuncula. Op 16 juli 1228 waerde hae al door Paus Gregorius IX heilig verklaord. Hae waerde begrave in de kirk vas San Giorgio in Asisi. Later waerde euver zien graf de Sint Franciscusbaseliek geboewd.
D’r zeen talloze legendes euver wie Franciscus omging mit de natuur. zo zol hae ins ein lemke gered höbbe van de sjlechter, eine lestige wolf höbbe taamgemaak en gepraek höbbe taege de veugel. Bekind is zien “Zonneleed” wo-in hae sjprik euver meneer broor zon,en zöster maon.
De huidige Paus hit Franciscus en veer höbbe eine waterscoutinggroep en eine pöt mit dae naam.
Tekst en Foto
Guus Rüsing
