Dinsdig 21 junie 2029. Arthur Spronken: 't Monstere van de Hings

't Beeldhaajwerk "t Monstere van de Hings" sjteit op 't plein van La bonne Aventure in de Veursjtad en waerd half omrink door de appartemente van Residence Solea. 't Beeld is van Arthur Jan Elisa Spronken (Baek, 30 juli 1939 - Sittard, 5 april 2018). Hae waas de zoon van Jan Nicolaas Spronken, dae ein sigarefebriek had, en Bertha Hertz. Es kiendj maakde hae kinnis mit de leefhöbberie van zien vader en ziene opa: Paerd. Onger invloed van de kunstenaer Paul Schmalbach ging hae in Mesjtreech sjtudere wo hae onger angere les kreeg van Charles Vos en Harry Koolen. In 1952 ging hae veur de doer van ein jaor nao Milaan. Dao leep hae sjtage aan de Accademia di belle Arti di Brera. Hie kreeg hae les van onger angere Marino Marini, Det waas in de beeldhaajkunst eine sjpesjalis in ... paerd.

Veur det dit beeld d'r kwaam te sjtaon waas d'r heel get palaver: sjriftelik en monjeling. 't Ging euver de gooj plaats en waat veur ein beeld. D'r ware namelik nog twee anger beelde in beeld. Oeteindelik waerde 't dit werk van Spronken. Oorsjronkelik sjting 't bie de ingank van de Waterzuvering in Leve en dao, door oetbreijing, in de waeg sjting.

Noe zeen de bewoners sjtols op häör beeld: Mit de sjoonheid en de krach van de hings, in eine sirkelvormi9ge plantebak, is 't 't sentrum van 't plein gewaore.

Foto's en teks: Guus Rüsing.