Corona Sjriefwedsjtried

Vintage typewriter, glasses and cup of coffee on a wood desk
Foto:

V’r laeve noe in ‘ne tied wo-in de angerhalve maeter en mondjkepkes os dageliks laeve bepaole en ouch beperke. Juus noe is ’t belangriek om te zorge det os köpke aan de gang blief, en ozze creatieve geis gesjtimeleerd waerd. En om (same) daomit ’n samelaeving te boewe wo leefde, optimisme en haop op baeter tieje de drievende krachte zeen.
Salon Remunj en ’t Roermonds Literair Broederschap neuje uch daorom oet om mit te doon aan ’n Corona Sjriefwedsjtried, om op die meneer Covid-19 ’n anger gezich te gaeve en dit door ’t ganse landj te versjpreije.
Gaef eur creatieve geis de ruumte om ’n inspirerende teks te sjrieve van maximaal 350 wäörd. Dees kint g’r dan mit os deile. Jonk of aad, amatäör of profesjoneel: ederein kint mit doon. G’r höb ruum ‘ne maondj de tied: eur inzending mot veur 16 september binne zeen.
Op 6 oktober waere dan de prieswinners bekind. Dees miense winne mer leefs 100, 200 en zelfs 300 euro.
Inzendinge waere gezjureerd door drie sjrievers: Ton van Reen, Jaques Graus en Danny Danker.
Eur tekste kint g’r via de meel sjture nao Jaques Graus via [email protected].
Wilt g’r meer wete? Dan kint g’r kieke op de Facebookpagina’s van Salon Remunj of ’t Roermonds Literair Broederschap.