Dinsdig 22 september 2020. Frans Rouleau (2) Neersjtraot 40.

22 sep 2020, 7:28 • nieuws

Guus Rüsing

Franciscus Hubert Joseph Rouleau waerde op 5 oktober 1852 gebaore in de Munsterssjtaot en hae sjtorf op 7 jannewarie 1914, ouch in Remunj. Kiek veur meer informasie 't sjtökske van giester. In 1885 vreug hae veur zichzelf en zien gezin veur de sectie D 2838, Neersjtraot 40, vergunning aan veur 't boewe van ein woonhoes mit werkruumte en aope plaats.

Noe is de eerste bouwlaog gedeild in twee winkelpanjer mit vaöl glaas. Drie versierde kolomme zeen blieve sjtaon es draegers van 't balkoen op de tweede boewlaog. Det balkoen geit euver de vol breidte van de gevel en waerd kwasi gedrage door konzaole van sjtuukwerk op die drie kolomme. 't Hekwerk is van sjmeediezer. Tösse de tweede en derde boewlaog ein forse gevelliest van sjtuukwerk en ouch sjtuukwerk onger de daakrandj. Aafgewisseld mit drie kolomme, pront wie in de eerste boewlaog. De vinsters van de derde boewlaog höbbe hekskes van sjmeediezer. Dit waas jaorelank 't verkoupketoor van de P.L.E.M.