Goonsdig, 6 mei 2020, Emile Seipgens (5), De Ruivers
Op de hook van 't Bergske en de Neersjtraot sjteit dit beeld van de Ruivers oet de Sjinderhannes van Emile Seipgens. ;t Is gemaak door Wienand Thönissen (*Herte, 1940) en Dick van Wijk (Leide, 1943). 't Waerde op inesjatief van de Sjtichting Hertje Sjtad in 1986 geplaats.
Mit de hulp van zien moder, de heks Hiasinte, waerd hae kapitein van de ruivers, zodet hae mit de dochter van de kastelein Zjwarze Peter kint trouwe. Det lök ouch doordet hae ongertösse zien zeel aan de duvel haet verkoch.
De ruivers zeen d'r zellef van euvertuug det ze eine leider neudig höbbe, want ze zinge:
Amis, la matinée est belle,
mer euveral is sjlechte tied.
Veer motte rouve, maorde, sjtaele,
want nemes guf ein duit krediet.
Döks geine cent meer op de tes,
nieks om of aan ’t lief,
’t beervaat laeg, nieks in de fles,
half it me zich maar sjtief,
en daobie belasting veur inkoms en bedrief,
en daobie belasting veur inkoms en bedrief.
Mer zo kan det neet langer blieve,
ein eerder sjteult veur zich allein.
Veer motte os neet langer kieve,
en keze eine Kapitein.
En dae det waert, dae haet pordju, ein heel grote eer!
Dae guf aan os sjermante luuj,
ei vaetje lagerbeer,
dan drinke veer nog ins lekker mit plezeer,
dan drinke veer nog ins lekker mit plezeer!
en es Sjinderhannes gekaozeis, zeen de ruivers en ruiverinne weer oet hö är huuske es ze zinge:
Noe des te bös gekaoze,
kriegs doe ein serenaad.
Doe höbs os aan de haoze,
veer komme aan dien naat!
Gaef ein glaeske lekker wit
en ein glaeske lekker rood.
Wo det vuur en pit in zit
en os geit in’t blood.
Gaef ein glaeske lekker wit,
gaef ein glaeske lekker rood,
gaef ein glaeske lekker, lekker, lekker, lekker rood!
Gaef ein glaeske lekker wit,
gaef ein glaeske lekker rood,
gaef ein glaeske lekker, lekker, lekker, lekker rood!
Ma druncks
Geer höb 't good gelaeze: d'r zeen ouch ruiverinne. Ein ruiverin sjeit ouch, herkinbaar es vrouw, in de beeldegroep. Men fluustert det dit de kop van Tine (Ma) Druncks-Weijling is, tösse 1970 en 1982 ein flambwajant lid van de Gemeinteraod.
Foto's en teks: Guus Rüsing.
