Leever Pötjesfest

Op vastelaovesmaondig, 24 fibberwarie, vindj veur de tweede keer 't Leever Pötjesfest plaats in kefee-zaal Aad Leeuwe in Leeve. Dit jaor is 't thema "Carnival".

't Pötjesfest is 'n fees mit meziek, sjpelkes en lekker aete. Om 16 oer sjtarte v'r mit 'n aope podium: idderein dae dao wilt optraeje, kint zich hieveur in de zaal aanmelje.

Om 17 oer waerd 'n buffet mit diverse lekker gerechte geäöpend. Kaarte hieveur zeen tiedes de versjillende evenemente van de Tuinhagedisse verkriegbaar aan de bonnekassa.

Tiedes en nao 't aete kint g'r blikke goje, naegele of sjpijkerbokshange, en gokkers kinne terech bie 't Raad van Fortuin. Veur de sjlokkers zeen popcorn en sokkersjpinne te verkriege.

Rondj 20 oer zalle Luc en Eef 'n optraeje verzorge. Daonao is de grote finale van 't sjpijkerbokshange: waem geit dit sjpektakel winne? 't Fees zal daonao pas ech los barste mit meziek van DJ Harrie.

Om 'n oer of teen kump de Mesjtreechse Jerome optraeje, wobie zien grote hit "Loco Loco" neet zal ontbraeke.

En netuurlik zeen de Pötjes ouch weer d'r bie.

G'r zeet 't: veur idderein is d'r waal get te belaeve!

Toet vastelaovesmaondig!