VRIEDIG 5 JUNIE 2020. ZALTLIEN / PRESESSIELIEN

Foto: Guus Rüsing
Midde op de mert kruutse zich twee liene: De Zaltlien en de Presessielien. Det is good te zeen in de kienjerköpkes. De eerste geit van de Mertsjtraot nao de Sjwamaekerssjtraot, de tweede van de Verkesmert nao de Kattedraal.
 
De zaltmert waerd sjriftelik geneump vanaaf 1551 op de kop van de Mertsjtraot. Ze hit dan “Saltmarckt” of “Saltmerckt”. De zalthanjel is zeker ajer en sjtamp oet de derteende eeuw. Op zien lets in 1294 stichde de grave van Gelre ein zaltmaot om de hanjel te sjtimelere. De lien kump van ’t noorde nao de zaltmert..
De presessielien zal zo waal dudelik zeen: De verbinjing tösse de Kattedraal en de Munsterabdie.
Foto en teks: Guus Rüsing.