De watertore op ’t terrein van de NS aan ’t Sjtasieplein sjtamt oet 1928 en is ontworpe door de bekinde arsjetek Ir. Sybold van Ravesteyn (1889 – 1983). Hae haet zeldzaamheidswaerd omdet hae rechsjtreeks herinnert aan ’t sjtoumtiedperk, väöl oet dees periode is inmiddels aafgebraoke. Hie onger ouch väöl boewerke van van Ravesteun.
De watertore is opgetrokke oet baksjtein en gewaopend beton, rondj, en haet drie verdepinge. Bovenop zit ein, witgesjilderd, betonne waterbekke. Waat veer noe nog zeen is eigelik allein mer de sentrale sillinder van 15 maeter hoog. Aan weersziej zote kantore en wirkplaatse vas. De plattegrondj leek op ein nondezjuke, versierd mit de sjpeelsigheid van de sjtaole trappe aan de boetekantj.
Bienao barokechtige boewerke zeen van hem bekind en hae waas daomit ein flambwajante aenj in de viever van de sjpaortechneute. Zien grootste werk, de sentraal sjtasie van Rotterdam, is in 2008 gesjloop.
Zien letste ontwerp waas det van de sjtasie Rotterdam-Bergweg oet 1960. Gegaeve de sitewasie op die plaats mos det sjmaal, hoog en lank waere. ’t Haet ronj, lankwerpige en trapeziumvormige rame en liek get op ein benzienpompsjtatie oet dae tied, zien kinmerkende sjpeelsigheid dus. Gelökkig is ’t gerestereerd en bewaard gebleve.
Teks en foto: Guus Rüsing.
