Zaoterdig 27 junie 2020. “Ach luuj dreije om de tore, es ’t kariljon van zich leet heure.” 2.

Foto: Arend Masius

“…sjitterde, in ’t fel lech van de zon, eine grote golje bal. ‘De tiedreiziger..! Zo zaag d’r droet. Väöl kleiner, mer presies zo!’ reep Louisa vol verwonjering.

“Ach luuj dreije om de tore, es ’t kariljon van zich leet heure.”

Ananja noom noe ’t sjoon bewirkde kieske in häör henj en maakde de deksel d’r van aope. In ’t kieske loog, ongeveer zo groot wie ein appelesien, eine, oet golje sjtrokr gevlochte balle.
‘Dit is eine tiedreiziger.’ Tösse häöre doem en wiesvinger dreijde Ananja de balle veur zich oet. Door de gevlochte golje sjtroke zoog Louisa wie Marnix mit aope mondj nao de balle sjtaarde. ‘Is det puur goldj?’ vroog hae, mit volle aandach kiekend nao de balle.
‘Nae, ’t liekend mesjien op goldj, maar deze tiedreiziger is in wirkelikheid van ein aad edelmetaal.’ Ananja loog de gevlochte balle noe op de vlakke handj.
‘Mit deze tiedreiziger zeen mien veurelders door de tied gereis. De letste tiedreiziger waas mien grootvader. Zelf höb ich hem nooijts gebroek, maar de väöl sjpuchte die mien veurelders d’r mit belaef höbbe kin ich allemaol oet miene kop.”

“Ach luuj dreije om de tore, es ’t kariljon van zich leet heure.”

Johannes mit zien örgelke, en neet te vergaete, zien aepke Funske zote d’r bie. Veer make wiejer nog kinnes mit Philippus, de sjnieder, en eine sjmeed, dae Vulcanus mit ’t vuur es hanjelsmerk haet. Busjop Damianus, mit ziene dieke boek, ontvink os op zien kesjteel Hilleraoj. Veer viere vastelaovend mit Gerrit de nar en zien sjtekkepaerdje en make ein aezelsmis mit. Veer sjpraeke in de Munsterskirk mit Pierre Cuypers, dae emes bie zich haet. (Waem waas det toch?). De pepiermaeker Matthias leert os get euver de meules op de Roer. Veer misse Keizerin Maria Theresia bie de heräöpening van de Sjteine Brök.

“Ach luuj dreije om de tore, es ’t kariljon van zich leet heure”.”
’t Book “Avontuur in Ruremonde” van Ankie Pijpers-Meisters haet es ongertitel: “Een historische jeugdroman”. Es dusdanig zol ’t verplich motte waere es laesbook veur de gesjiedenisles in groep 8 van elke Remunjse basissjool.
In de Remunjse bokewinkels te koup veur 17.43 Euro, ISBN: 0789463187183.

Fioto: Arend Masius.
Teks en vertaling: Guus Rüsing.

X

Meld je nu aan voor onze nieuwsbrief
Aanmelden