Hubertus Mathias Bertrams waerde gebaore op 25 jannewarie 1874 in Remunj en sjtorf op 13 september 1929, pas 55 jaor aad, ouch in Remunj. Kiek ’t sjtökske van aafgeloupe zunjig.
Op 8 november 1904 waerd de boewvergunning aangevraog veur ’t boewe van ein baoveweuning mit magezien veur Matthias Bertrams. Van de eerste boewlaog zeen veer allewieles nieks meer teruuk. Det is ein ongerdeil gewaore van de kapperszaak rechs daonaeve. De tweede en derde boewlaog zeen oetgeveurd in eine eenvoudige tradionalistiese sjtiel. Veer zeen sjterk verjongende vinsters mit baoveversiering.
Teks en foto’s: Guus Rüsing.
