Dit sjtökske Remunj hoot in de veerteende eeuw “buiten inopspoirten” of “butten in opp”. In feite is ’t ein veursjtedje boete de sjtadsmoere op eine heuvel dae Krissjtoffelsberg of Meuleberg waerde geneump. Det bergske waerde in 1388 aafgegrave om militair sjtrategiese raejene. Van dao koos de viejand in de sjtad kieke en waat erger waas…sjete.
Daomit is ouch ’t waarsjienlik aajdste sjtök Remunj verdwene mit de aaj Voogdie en de aaj Perochiekirk.
De Looskade is geneump nao ’t losse van looisjtoffe, neudig veur versjillende “lohuysen” oftewaal laerlooijerieje van ’t amp (= gilde) van de laerlooijers in ’t Looijersjträötje. Det waerde toet in 1786 nog Kirksjtraot geneump naa de aaj perochiekirk.
Dit gebied, mit de Werf en de Inopperport of de Kraanport waas es have belangriek veur de Maahanjel.
Foto en teks: Guus Rüsing.
