Zunjig 18 oktober 2020. Mathias Bertrams (5). Herkebossjerwaeg 2.

Foto: Stoffel.M

Mathias Bertrams waerd gebaore op 25 jannewarie 1874 in Remunj en sjturf op 13 september 1929, pas 55 jaor aad, ouch in Remunj. Ondanks det hae neet aad is gewaore haet hae heel get in Remunj geboewd. Zeen weeg sjting aan de Kepel en hae waas de zoon van Mathias Bertrams en Petronella Timmermans.

Zien elders hadde ’t hotel-restaurant “In het Gouden Kruis” tegeneuver de Kepel in ’t Zandj. Naeve ’t hotel had de femilie ouch nog eine winkel en ein eige bekkerie.
Mathias volg tösse maert 1893 en maert 1894 lesse aan de “Teekenschool”.

 

Op 15 oktober 1901 trouwt hae mit ’t Remunjs maedje Marie Cunegonde Gertrude Gabriels. Ze wone, mit zien elders, aan de Kepelderwaeg 213.

De aanvraog veur de boevergunning veur dit panj is van 26 jannewarie 1900. ’t Geit euver ’t boewe van ein woon – winkelhoes veur de witvrouuw  M. Lenards, De sjtiel is tradionalistis, mit alle kinmerke van Bertramd.

Teks: Guus Rüsing.
Foto’s: Stoffel.M