Goonsdig 21 oktober 2020. Guillaume Langenhoff (2). Neersjtraot 64

Foto: Arend masius
Guillaume Marie Hubert Langenhoff waerde op 15 juni 1879 gebaore op ’t Bergske. Zien vader hoot Nicolaas en waas bekker. Zien moder hoot Elise Straatman. In 1900 geit hae nao Oegstgeest. In 1903 kump hae, via Amsterdam, (haet d’r dao ein opleiding gevolg?) truuk nao Remunj.
Hae leet zich dan insjrieve es boekundig teikenaer. In 1903 geit hae veur ein jaor nao Vlissinge. Dan vertrek hae in 1911 weer nao Amsterdam, wo hae mit ”t Remunjse maedje Francisca Tevonderen trouwt. In 1959 sjtörf hae.
 
Op 27 maert 1907 waerd de aanvraog ingedeend veur de verboewing veur Fr. Koolen. Veer zeen en woon-winkelpandj mit ein simmetrise indeiling. D’r zeen väöl horizontale liene aangebrach wodoor ’t pandj robuuster uig. De oorsjronkelikke daakkepel is weg.
De rame höbbe dörpels van Naamse sjtein en ein segmentbaog aksentuering. Jaorelank zoot hie de Floorshop in van de femilie Massy. Noe is ’t blomewinkel Florino.
Teks: Guus Rüsing.
Foto’s: Arend Masius.