Zunjig 25 oktober 2020. Henricus Rammers (2). Waeg nao de Meules, 21 toet en mit 25.

Foto: Stoffel.M

Henricus Johannes Rammers (1878 – 1926) waerde gebaore in Remunj es zoon van Gerard Rammers, sjtadsarsjetek, en Cornelia Lucas. In 1898 geit hae nao Luuk om dao veur arsjetek te lere. Op 27 maert 1902 kump hae, via Tongere, weer teruuk nao Remunj en geit bie zien elders wone. Op 25 september 1906 trouwt hae mit Anna Beekman en geit wone op de Krankewal. In 1918 geit ’t gezin nao Valkeberg. Hae sjtörf op 9 fibberwarie 1926 in Haerle, pas 48 jaor aad. Zien markanste ontwerp in Remunj waas waal de Fu aan de Mesjreeccterwaeg, die gesjloop is.

Veur ’t boewe van drie weuninge aan de Waeg nao de Meules veur Jos Mertens waerd in 1905 ein aanvraog gedaon. Allewieles hit det de Lindanussingel. Sjoon zeen de invullinge van de baovevlakke van de rondjbaogvinsters. Nao de oorlog is d’r eine nuje sjtein veur de gevels gemetseld, mer ’t oorsjprokkelikke idee is nog good te herkinne. De sjitterende baksjtein invullung baove de vinsters is bewaard gebleve.

Teks: Guus Rüsing.
Foto’s: Stoffel.M