Sociëteit Zjwamer Aad Prinse viert Zjwamer Aad Prinse Daag

VV De Hopsjlokkers Zjwame höbbe intösse eine sjoone illustere groep Aad Prinse opgebouwd: de Sociëteit Zjwamer Aad Prinse.

Gister waas weer de 1e zaoterdig van September en daonit de traditionele Zjwamer Aad Prinse Daag. Eine daag mit aanvang inne Geitesjtal biej Jordi Aelmans mit brunch van Bakker Bart Reuver en Izabela’s soep en meer.

Vervolges nao ‘t Jocus Museum in Venlo mit eine geweldige ontvangs door Vórs Joeccius XI Roel Versleijen en aansjloetend ein geweldige beerpreuverie biej Café De Klep/ Broewerie de Klep.

Es culinaire aafsjloeting mit aangekleide burger en ein lekker beerke zin veur welkom geheite biej De Mert Swalmen 😘

‘t Waas eine super daag 👍🏻