Sinds giester is ’t te koup bie de Remunjse bokewinkels: “De Munsterabdie van Remunj. Eine ontdekkingstoch door achhongerd jaor gesjiedenis van ein vrouwluujklooster”. Dit book is oetgegaeve, in samewirking mit de Sjtichting Rura Remunj, door WBooks in Zjwolle. ’t Haet 399 bladziejes en ongeveer 400 aafbeeldinge in kleur en zjwart-wit. ISBN 978 94 625 8379 5, pries 34,95 Euro. ’t Sjteit onger redaksie van Hein van der Bruggen, Erik Caris en Luc Wolters. Netuurlik waas ’t 800-jäörig besjtaon van de Munsterskirk de aanleijing.
Nao ein veurwaord van Pesjtoor-Daeke Rob Merkx en ein inleijing door Erik Caris komme de volgende zakes aan de orde:
1. De sjtichting van de abdie van Beate Merie in Remunj in de derteende eeuw, door Erik Caris,
2. Die Ostteile der Munsterkerk in Roermond. Architektur, Herrschaftsanspruch, Memoria, door Cornelius Hopp.
3. Ein intrigerend köpke, door Elisabeth den Hartog.
4. Ein introduksie op de vreug moersjilderinge in de Oos-Leef-Vrouwe Munsterskirk in Remunj, door Stefanie Litjens.
5. ’t Gebroek van netuursjtein in de Munsterskirk, door Michiel Dusar.
6. Sjteinbewirking en fasering van ’t derteende eeuwse boeproses, door Frans Doperé.
7. De boevolgorde van de Munsterskirk: ein analiese aan de handj van de kapitele, door Elisabeth den Hartog.
8. Rekonstruksie en boechronologie van de Munsterabdie, door Ronald Glaudemans.
9. Relasies tösse de O.L. Vrouwe-abdie van Remunj en perochies in de omgaeving, ein verkinning, door Guus Janssen.
10. De verering van relieke en heilige in de Munsterskirk, door Gerard Venner.
11. De Remunjse Passie oet de Munsterskirk: ’t jonk begin van de Nederlandjse sjilderkuns, door Jochem van Eijsden.
12. De liturgiese kelender van de Remunjse Munsterabdie veur de oprichting van ’t eerste biesdom Remunj, door Rob Dückers.
13. Ein ausserordentlicher Reliquienfund und seine Geschichte, door Annemarie Stauffer.
14. Letste relikte van ein rieke begraafkultuur. De graafzerke in de Munsterskirk anno 2020, door Maurice Heemels.
15. ’t Door Pierre Cuypers verangerde torelandjsjap, door Erik Caris.
16. Pierre Cuypers en ’t binneste van de Munsterskirk, door Wies van Leeuwen.
17. De sjloop van ’t lets euvergebleve abdiegeboewe in 1924. Wem waas hie veur verantjwaordelik en hadde de geboewe behaje kinne waere? Door Erik Caris.
18. “Allene met minnen”. De sjpiritualiteit van de sistersiejenserinne in de derteende eeuw, door Peter Nissen.
Netuurlik is d’r ouch plaats veur note, eine appendiks bie hoofsjtök 12, ein verklaorende waordelies, aafkortinge, arsjievalia, biebliografie en registers van zakes, persone en plaatse. De laeves van de auteurs en redaksieleje waere ouch besjreve.
Veur de kartografie teikent Pim van de Port. Waat opvölt zeen de sjitterende foto’s van Martin de Bock, dae ouch de projekfotografie deej.
Is noe ’t lertste waord euver de Munsterskirk gezach? Nae, nog lang neet! Wie Erik Caris ouch sjrief in de inleijing: “Dit book haet dan ouch neet de pretensie ’t letste waord te höbbe. Väöl meer haope de sjrievers mit häör biedrages eine aanzet gegaeve te höbbe veur wiejer ongerzeuk”.
Teks en foto: Guus Rüsing.
