In 1980 besjtong “Keuninklikke Zangvereniging Remunjs Mannekoor”100 jaor. Dit jaor dus veertig jaor geleje. Bie die gelaegenheid waerde ein LP oetgebrach mit de Sjinderhannes, de opera-bouffe van Emile Seipgens. De veurkantj van de plaat haet ein sjitterende teikening van de Remunjse kunstenaer Matthieu Boessen. Van links nao rechs zeen veer Zwartse Peter, Sjinderhannes, de heks, Florenske en de duvel.
Gezonge waerde door de leje van ’t Mannekoor en häör dames. Soliste ware: Mathieu Mooren (Sjinderhannes), Corrie Snijders-van Helden (Florenske), Henri Timmermans (de heks), Lambert Zwanenberg (Sjwarze Peter), Vincent Mooren (de duvel), Jan Evers (de Douve) en Frans van Birgelen (Roje Driek). De muzikaal; leijing had Jan Hupperts. De produksie en koördinasie waas in henj van Jan Huyskens en Harrie Wolters. De grafiese verzorfging loog in henj van Ton Rennings en Van den Hout. Sjpele deej ’t Jan Theelen-ensemble. Zo höbbe veer heel get bekinde name bie ein!Foto en teks: Guus Rüsing.
