Waem kint dit waord? Aomezeik.

Foto: Guus Rüsing

Toet 15 september krieg geer van os edere daag ein ech Remunjs waord veurgesjotteld. Zodet geer get te sjtechele höbt veur toes, bie de barbekjoe of op ein Remunjs terras.
De gooj oplossing kump altied ein paar daag later. Dinkelik höbt geer dan weer get te sjtraevele! Döks zeen d’r namelik nog meer, of zelfs baetere, verklaoringe es veer gaeve. Gelökkig laef ’t Remunjs es taal nog onger de luuj en de meininge zeen neet altied ’t zelfde: Det guf haop!
Veer prebere get fekansiefoto’s oet Remunj te laote kieke. Juus ouch van die terrasse. Geer moog raoje wo die foto genaome is.

De oplossing van eergiester:

Zjwaegele:

1. Lucifers.

2. Kletsen

3. (Café-)spelletje met drie of vijf lucifers. (Kefee-)sjpelke mit drie of vief zjwaegelsjtekskes.

4. Vraag aan iemand wiens ogen bijna dichtvallen van de slaap: Höb-se zjwaegelsjtekskes neudig?

Teks en foto: Guus Rüsing.