Oet leefde veur de sjtad (12) 't Kartuserpark

't Kartuserpark is eigelik de mooshaof en bongerd van 't vreugere katuserklooster. 't Hoot offesjeel Oos leef Vrouwe van Bethlehem en waerde in 1376 gesjtich door Werner van Zjwame. Hae boewde ein kepel die herinnerde aan de gebaortekirk in Bethlehem. Dao waas hae in 1368 es pelgrim haergewaes. De plaats zol door Maria zelf zeen aangeweze:

"In de Steghe", maar det waas ouch bekind es de rosse buurt van Remunj. De eerste monnike kwame oet Kölle. Op 22 juli 1572 veroverde Wullem van Oraanje de sjtad en d'r waerde twelf kartusers vermaord. In 1783 waerde 't klooster gesjlaote door keizer Josef II van Oosteriek. Ein van de bekinste bewoners is de teoloog Dionysius van Rijkel gewaes. "Es-se Dionysius hats gelaeze, hats-se alles gelaeze" waerde gezag. Binnekort is d'r ein DNA ongerzeuk nao ziene sjedel dae in de kepel nog altied bewaard is gebleve. Teks: Guus Rüsing.