Sjtraotvaeger 2020/7: In eige voot gesjaote!

Remunjse politieke pertieje wilde via een statement häör geliek haole. Ut statement waerde via sociale media gedeild. De pertieje zatte ut op häör eige tiedlien en dachte dao mit de sympathie van de burgers te haole.

Det létse ging neet op want de meiste reacties ware taege ut statement gerich. Remunjse burgers zeen ut zat. Ze höbbe gein vertroewe in ut sjtadsbesjtuur en laote dit ouch wete. Dus höbbe de pertieje zich in de eige voot gesjaote. Det ze ut statement laote verdedige door emes dae zelf neet gans zuuver op de draod is sjprik bookdeile. Wiej naïef kin ze zeen. Amper teen jaor naodet Remunj beste binnesjtad van Nederland waas zeen veer noew toet ein bedinkelik niveau gezak. Hiej is eine fikse aanpak gevraog. Mit de passion nao Remunj te haole kin ze geine laegsjtandj good make. Waat der waal gebeurd is de ein bezuuniging nao de anger.

De sjrabbers hadde ze baeter aan de minderbedeilde in Remunj kinne gaeve. Dao kómme nog meer bezuuniginge aan. Zeker as ze wits det der nog al gét claims te verwachte zeen. Det de Remunjse coalitie zich gesjteund vinj door gét ingezonde breve van burgers die ver van Remunj aaf wone zaet genóg euver häör naïviteit. Ouch beroepssjnabbelaar Frénske oet Vinlo dae meint det de raodsvergadering in ein vastelaoveszitting waere gehaaie is instrument gewaore van nepnieuws. In de Limburgse media is der sjprake van

‘De leuge regeert’.

De leuges en ut nepnuujts zulle neet veurkómme det de Remunjse burger zich meer en meer geit verzitte. Dao hoof de ÉCHTE oppositie neet väöl veur te doon. Ut vertroewe zak mit de daag verder weg dao zórg de coalitie+ door häör beleid waal veur.

Ich wins ederein sjoon vastelaovesdaag toe. Toet Vaegs,

uche Sjtraotvaeger Dré