Vriedig 24 april 2020, Ramadan

Volges astronomiese
beraekeninge begint vandaag, vriedig, de Ramadan van 't Islamitiese jaor 1441. De maonsikkel dae dit aankondigd waas giesteraovend te zeen. Dees beraekening geld veur Nederlandj en de res van Europa (behalve het Verenigd Keuninkriek). Ouch in Turkije, Marokko en Saoedi-Arabië waerd zo geteld.

De Ramadan is in de Koran besjreve in de tweede Soera", "De Koe" vers 183-185:

"Och, geer geleuvige, 't vaste is aan uch veurgesjreve, wie 't ouch waas veurgesjreve aan diegenige dette wate veur uch ware, zodet geer braaf zolt zeen. Veur ein zeker aantal daag zolt geer vaste, mer diegenige onger uch dette wate krank zeen, of op reis, doot vaste op ein aantal anger daag, d'r is eine oetwaeg veur diegenige, die neet kinne vaste, 't aete gaeve aan eine erme miens. Mer hae, dae viewillig good duit, is det baeter veur hem. "t Vaste is good veur uch, es geer 't bezeij höbt. De maondj ramadan is dae, wo in de Koran es richlien veur de miense nao onger waerde gesjik en es dudelik bewies veur leijing en ongersjied. Waem onger uch deze maondj belaef, laot dem dao in vaste. Mer waem onger uch krank is of op reis, op ein aantal anger daag. God winst gemaak veur uch ein gein ongemaak, en zodet geer 't aantal (daag) vol zolt make en zodet geer de grootheid van God zolt prieze, omdet Hae uch tegooi haet geleid en zodet geer dankbaar zalt zeen".

Ramadan Moebarak, eine zalige Ramadan.

Teks: Guus Rüsing.