Paose. 12 april 2020

Mit Paose viere de Kristene 't opsjtaon van Kristus oet zien graaf.

Waem kort veur de Paose langs de winkels geit zuut hie weinig van truuk. Waat waal te zeen is zeen de paoshaze en de eier. Die komme zeker neet oet de bibel maar wo komme ze dan waal vanaaf?

Aangenaome waerd det de Paoshaas oet Duitse gebiede kump en waal oet de tied van de Germane. Meer sjpesiaal oet de sjtam van de Teutone, die verdween al in de eerste eeuw veur Kristus van 't toneel. De sjtam van de Teutone kos versjillende verhaole en mytes rondj de godin Ostara.

Ein van dees verhaole vertelt wie ein klein maedje ein gewonjd klein veugelke vonj. 't Baejde toet Ostara om hulp. Die kwaam perseunlik kieke en zoog det 't veugelke d'r sjlech aan waar en verangerde 't in eine haas. Aan 't maedje vertelde zie det de haas in 't vervolg eine keer per jaor teruuk zol komme, op heure feesdaag, om gekleurde eier te ligke.

In 't Ingels sjprik me euver "Easter" en in 't Duits euver "Ostern". Allebei gaon truuk op de naam van de godin Ostara. Os "Paose" kump van 't Joedse Pascha-fees.

Allemaol eine Zalige Paose!

Tekst en foto: Guus Rüsing.