Dit getske, van de Mert nao Achter de Luif, kreeg in 1977 op verzeuk van de Sjtichting Rura ziene naam, mit sjtraotnaambördje, weer teruuk. Meugelik waerde hie in de middeleeuwe hoonder en hane verkoch. Al in 1589 waerd ’t geneump es het “getzken dair man achter der leuffe geit”.
Achter de Luif hoot ouch “achter der Leuven” of, in 1450, “achter den Loeven”. Mit die luifels waerde de winkelkes bedoeld aan deze kantj van de Mert. Det ware oorsjronkelik verplaatsbare kräömpkes mit eine gaam en eine luifel taege de raegen.
Vanoet ’t sjtadhoes gezeen loog de sjtraot dan achter dees luifels. Door ’t hoogteversjil waas Achter de Luif veur osse- en paerdskerre beruch.
Tekst: Guus Rüsing.
Foto ‘s: Arend Masius.
