Oet leefde veur de sjtad (10). Zaoterdig, 11 november 2022. De sjteine trappe. De tweede grote sjtadsbrandj van Remunj waas in 1665. Daonao waerde weer opgeboewd. Zo ouch ’t hoes de Sjteine Trappe., in de sjtiel van dae tied: de Maaslandse renaissance. Veer zeen de omliestingen van de rame in Naamse sjtein en ouch de “verjonging”.
Det beteikent det de rame nao baove toe sjteeds kleiner waere. Ongeraan zeen zie groter, dao mos ’t meiste daaglech binnekomme. De boewheer waas Peter van Boshuizen, toendertied drost van ’t kesjteel van Mofert. In het fronton zeen veer dan ouch, naeve ’t jaortal 1666, de initialen P v B sjtaon. Veural es kienjertehoes ware de Sjteine Trappe bekind in ’t ganse landj.
