Op 14 november a.s. sjtart de gemeinte Remunj mit ’n nuuj fietse-opruumaksie. In de aopebare fietsesjtalling bie de sjtasie in Remunj moge fietse maksimaal 4 waeke achterein sjtaon. Es die dao langer sjtaon, dan waere ze nao 4 waeke weggehaold. Fietse die neet in de rekker sjtaon, waere in de rekker gezat, en heel sjlechte fietse waere weggehaold. Nao de aksie maak de NS de sjtalling weer gans sjoon.
De eigenere kinne häöre fiets ophaole bie de aafdeiling Sjtadstoezich, Sjlachhoessjtraot 102 in Remunj, naodet ze 10 euro boete höbbe betaald.De raeje veur dees aksies, die regelmaotig plaatsvinje, is det d’r nog sjteeds heel väöl “wildj geparkeerde” fietse sjtaon. Ondanks verbodsborde en extra aandach veur de doorgank, blieve fietse verkeerd gesjtald sjtaon.
De fietse-opruumaksies motte d’r veur zorge det de fietsesjtalling good bereikbaar blief veur (dagelikse) reizigers die häöre fiets dao neer wille zitte. Daonaeve wilt de gemeinte de sjtalling en omgaeving rondjom de sjtasie sjoon haje en ’n veilige oetsjtraoling gaeve.
De fietse-opruumaksies motte d’r veur zorge det de fietsesjtalling good bereikbaar blief veur (dagelikse) reizigers die häöre fiets dao neer wille zitte. Daonaeve wilt de gemeinte de sjtalling en omgaeving rondjom de sjtasie sjoon haje en ’n veilige oetsjtraoling gaeve.
