Het waas ein hectische waek mit väöl ketak mit burgers die min of meer prebleme hadde mit ut Remunjse beleid. Ut Esso tankstation aan de Maasbrögk haet häör deure mótte sjloete door ut beleid van ut sjtadsbesjtuur. De soap met De Tigers is enigszins opgelós. Haet weinig zin om dao nog wäörd aan voel te make. Maar ich mót toch kwied det de coalisiepertieje weer ein oppersjtaaltje lete zeen van dreikóntjeriej.
Ouch de sjtationstunnel zorgde veur ein tunnelvisie die nog al gét sjtof deej opweije. Hiej is ut létse waord nog neet euver gezag. De Roertunnel zit neet allein ut verkeer regelmaotig plat maar zorg ouch veur trillinge in hoezer diej róndjóm het tracé sjtaon. De eigenaere of huurders mótte dao maar mit zeen te laeve. As ze dan de zelfverheerlinkskrant van de gemeinte zuus dan dink ze det alles dieke mik is. Vergaet ut maar.
In Remunj zeen hil väöl prebleme diej neet waere opgepak. Det ze roope det Remunj aandach haet veur ermooi en zuus dan det eine dakloze zien tent haet opgezat naeve de vievers vreug ze dich toch aaf waat ut beleid is. Ich neum det sjoon waer politiek. Ich blief missjténj aan de kaak sjtelle. Of ze ut leuk vinje of neet. De burgers höbbe réch op ein transparant sjtadsbesjtuur.
Toet vaegs,
uche Sjtraotvaeger Dré.
