Vandaag 7 april

Vandaag, 7 april, waerde in 1948 door de Verenigde Nasies de WHO, de Waereldgezonjdheidsorgenesasie opgerich. ’t Hoofkantoor lik in ’t Zjwitserse Genaeve. Verder zeen d’r zes regionale sentra: in New Delhi, Alexandrië, Manila, Washington, Brazaville en Kopenhage.

“t Belangriekste doel van de WHO is ’t sjtimulere van gooj gezonjdheidszörg veur alle miense op deze werreld. De orgenesasie prebeert daoveur de gezonjdheidszörg in beeld te bringe.

In häör logo is de zogenaamde eskulaap verwirk. De eed dae artse motte aafligke, de eed van Hippocrates, waerde gezjwaore op Asclepius, de god van de genaeskunde. Deze god waerde döks aafgebeeld mit eine sjtaaf wo ein sjlang zich omhaer dreijt. Dit teike waerd noe nog altied gebroek door dokters.

In deze tied van Corona zalle veer noch döks van de WHO heure.

Guus Rüsing.