De Meuleport of Aezelsport waas de toegank nao ’t belangriekste middeleeuwse “industriegebied” de meules op de Roer. In de sjtoep en op de waeg van ’t Meulesträötje zeen de kontoere van dees port en ein sjtök sjtadsmoer zichbaar gemaak.
De Aezelsport waas de port nao de meules, ongeveer wo noe noch de ECI, mit elektiese meule, lik. Vreuger loge dao de volmeules veur de lake industrie. Netuurlik waerde väöl gerei van en nao die meules getransporteerd. Det gebeurde mit aezelskerre, dao kump de naam vanaaf.
Veur zo wiet bekind is rondj deze kant van de sjtadsmoer nooijts gevochte. Det waas ein naat gebied en de Roer fungeerde es sjtadsgrach. Kommandante sjtuurde häör sjoldaote neet gaer dao doorhaer.
Guus Rüsing
