De Kattelieke Kirk herdinkt eder jaor alle heilige, bekind en onbekind. Det zeen d ‘r meer es hongerdoezjend! In ’t begin waerde allein mertelare es heilig gezeen. Later waas ’t zo det es emes door ’t volk es heilig waerde aangeweze. Dink aan de 21 eerste biesjöp van Mesjtreech. Omdet dit netuurlik nochal twiefelechtig waas trok de Paus in 1170 de heiligverklaoring noa zichzelf toe. Det waerde ein sjtrengere prosedure die door Paus Urbanus VII in 1634 waerde vasgelag. Sinds dae tied kump eer de zaligverklaoring en dan pas de heiligverklaoring.
Sinds 1970 haet Paus Paulus VI eine nuje heiligekelender veurgesjreve veur de ganse kirk. Sint Krissjtoffel veel boete dae universele kelender mer moog in Remunj vereerd blieve.
Teks en foto: Guus Rüsing.
