In of rondj 1588 kump eine zekere Gielis Homss oet Weert nao Remunj. Hae mot waal get aan de veut höbbe gehad want burger van Remunj waere kosde geldj.
Hae brink zeker eine zoon mit: Godefridus (nog gebaore in Weert in 1584). Dae haet weer eine zoon Wilhelmus (Homss of Hommen) en dae geit in 1605 in Neel wone en trouwt dao ’t maedje Encken Hansen. Same zeen zie kastelein en kasteleinse van de toen belangriekste herberg in ’t dörp. 
De herberg loog taegeneuver de kirk aan de Sint Laurensmert. Die mert waas ’t sentrum van de hanjel in Neel. Hie waerde ouch döks vergadert door de burgemeister en de sjepene.
Helaas is van die Sint Laurensmert allewieles neet väöl meer te zeen. ’t Sjtraotnaambördje guf es eerste vermeljing 1786 aan, mit dit verhäölke kint det mesjiens waal get vervreug waere.
Teks: Guus Rüsing.
Foto’s: Arend Masius.
