De kleine Tovenaar, bookhanjel in Neel-Remunj, duit d’r ouch van alles aan om tiedes deze crisis kinjer en volwassene op versjillende menere bezig te haje..
De afgeloupe waek waerde bie eder verkoch book door häör ein kaart gedoneerd. Die kaart waas bedoeld om de actie #stuureenkaart te sjteune; ein actie bedoeld om zoväöl meugelik kaarte naar einzame (ajere) miense te sjture. De kleine Tovenaar is d’r greuts op dat dit heel good gelök is!
Baere is op dit moment ouch ein dingske. Ederein is massaal op baerejach of zit eine baer achter de raam. Ouch De kleine Tovenaar haet ein leef klein baerke in de etalaasj sjtaon.
Lemniscaat, oetgaever van kinjerbeuk, duit ouch hiej aan met: deze en de volgende maondj beje ze 12 printebeuk aan veur € 10,00, die uiteraard ouch bie deze boekhanjel te kriege zeen.
De kleine Tovenaar guf noe ouch de meugelikheid om emes angers gelökkig te make, met ein “Tas vol Geluk”. Geer bepaolt waat g’r wilt, veur waem ’t is en wo de angere van hilt. De kleine Tovenaar vult veur € 20,00 of € 30,00 de tas, en zorg det dees oppe juuste besjtumming bezorg waerd. De tas kint besjteld waere via email ([email protected]) of door te belle tiedes äöpeningsoere (ma t/m za van 10-16 oer, tel. 0475-329392).
Bookhanjel De kleine Tovenaar haet ein oetgebreide website: www.dekleinetovenaar.nl. Dees bevat onger angere aanbejinge, nuuts en ein laeg bladzie met de titel “Blog”, waat sjpesjaal besjtump is veur de laezers die gaer get kwiet wille euver ein bepaold book. Via dees website kint geer uch ouch aanmelje veur de nuutsbreef.
De kleine Tovenaar
Hooksjtraot 3, 6042 KH Neel-Remunj
T. 0475 – 329 392
E. [email protected]
