2020, Jaor van de verpleegkundige

Waereldwied waas 2020 door de WHO (de Waereldgezonjdheidsorgenesasie) oetgerope toet ’t jaor van de van de verpleeg­kundige. Det waas omdet Florence Nightingale dan 200 jaor geleje waas gebaore. Ein hoogtepunt zol 12 mei motte waere, häöre verjäördig. Men wol laote zeen det de verpleegkunde in die 200 jaor ein anger gezich gekrege haet.

Det letste is door de Corona crisis waal heel pienlik dudelik gewaore.

Florence Nightingale  (Florence, 12 mei 1820 – Londen, 13 augustus 1910) waerde gebaore in rieke, aristokratise Ingelse kringe. ’t Waas dan ouch neet vanzelfsjpraekend op te komme veur erm luuj, kranke en gewonje. Taege de zin van zien femilie zoot ’t ziene kop door en ging op ein saort van sjtudiereis nao de diakonesse van Kaiserswerth, noe Düsseldorf-Nord, en de begiene van St. Vincent de Paul bie Peries. Truuk in Ingelanjd begos zie ein klein krankehoes te reorganisere en waerde daodoor aangekeke es pionier van de modern verpleegkunde.

Toen bleek det d’r in de Krimoorlog miensonwaerdige sitewasies ware onger de Britse sjoldaote ging zie dao mit 38 verpleegsters haer. Ze kwaam terech in Scutari, ’t asiatise deil van Istanboel. Allewieles hit det Üsküdar.

In 1907 kreeg Florence, es eerste vrouw, de hoog keuninklikke ongersjeijing van de Order of Merit.

Omdet zie in de Krimoorlog döks sjnachs rondjging mit ein luch waerde zie bekind es “De vrouw mit de luch” (The lady with the lamp).

Guus Rüsing.