Derde Paosdaag? Jao, in vreuger tieje waerde Kersmis, Paose en Pinkstere (Dink aan de sjpringpresessie in Echternach) op drie daag ech gevierd.
De waek nao Paose waerd de Paoswaek geneump. Liturgies gezeen laeve veer in ’t oktaaf van Paose. Grote feeste in de kattelieke kerk dure ach daag: ein oktaaf.
In deze Corona-tied ein bleumpke veur ederein dae ’t verdeend: Paosblome. De Narcis (Narcissus) kump oet de femilie van de Amaryllidaceae. De naam geit truuk op de Griekse mytologie mit ’t verhaol van Narcissus (in ’t Aadgrieks: Νάρκισσος) en de nimpf Echo.
Wie Narcissus op eine zekere daag water wol drinke oet eine rivier waerde hae verleef op zien eige sjpegelbeeld. In bewonjering bleef hae maar nao det eige sjpegelbeeld kieke; hae kos neet meer aete, drinke of sjlaope. Hae sjreefde nao zien eige verbeelding en det waerde sjteeds herhaolt door de nimpf Echo. Oeteindelik sjtorf Narcissus van elenj. ’t Innigste waat van hem euverbleef waas ein bloom omdet de godin Afrodite hem oet kompassie wilde laote doorlaeve.
’t Verhaol van Narcissus is os veural bekind door de Letiense dichter Ovidius (Metamorfosen). Mer ouch Pausanias en Plinius (Naturalis historia) vertelle os dit verhaol.
Teks en foto: Guus Rüsing.
